珠光寶氣

12.5.17 | , ,
個blog荒廢咗咁耐,又係時候嚟打掃一下,其實我^_^有好多嘢想寫,不過成日比我偉大嘅網購事業阻住咗,正所謂一入淘門深似海,每日都要去淘寶"巡視業務",除咗淘寶,重有Amazon、Gmarket、iHerb同樂天。攪到每個月收到statement要快手鬼鼠收埋,如果比妹豬爸發現,肯定佢會即時變身做"常哦"!

扯到去九里遠,返番入正題先。自懂事新年時妹豬伯娘送咗set珠寶玩具過佢哋之後,自此就勾起佢哋嘅公主心,兩個成鬼日攞嘅首飾出嚟戴,貴婦上身咁,唔知重以為自己去咗珠寶展。


身為阿媽嘅我雖然十萬個不情願見到佢哋有變公主之心,但愛女情切,亦唯有無耐接受,見佢哋玩嚟玩去都係嗰套,重買多咗套比佢哋替換,不過我買得嘅,當然無咁"隆重" ,以免佢哋嘅"高貴"造型嚇親街坊。

過咗一排,妹豬唔知响邊度學番嚟,成日話要裝扮化妝,嗰期慈母上身嘅我,二話不說即刻走去買比佢,結果屋企由珠寶展變咗做化妝教室,見佢兩個拎住啲玩具搽呢搽路,真係無眼睇。經過今次之後,下次做慈母之前,認真要停一停、諗一諗,以免自己後悔。












10 則留言:

  1. 回想自己呢個年紀都係咁架,妹豬兩姊妹已經好幸福啦有慈母買精美嘅珠寶俾佢地玩,我細個會將買月餅送嘅膠豬籠上高嘅膠花拆落黎,再貼返上頂黑色嘅米奇耳仔帽上面扮格格,諗起都覺攞膽呀!^^”

    回覆刪除
  2. 哈哈,我兩個咪又係,有時係搞我個D玩,玩到爛哂,好彩假野黎!
    女仔點都係貪靚,我地走吾甩架啦!

    回覆刪除
  3. 我兩個都係咁架...成日係度扮靚,又帶住晒d豬2盛周圍走 ^^

    回覆刪除
  4. 嘩,好正呀,好大家閨秀feel ^^

    回覆刪除
  5. HAHAHAH,我果個都係咁呀...
    我之前好唔接受架, 不過諗深一層, 貪靚係人之常情, 又唔係壞事既, 玩下無妨既, HAHA, 妹豬同妹豬妹好貴氣喎 :P

    回覆刪除
  6. 琴晚我一拎高跟鞋出來,妹妹馬上要著,絕對認同女仔貪靚係天性!
    尤其兩個女,好難唔一齊研究扮靚呢~~~~

    Btw預祝 Happy Mother's Day!

    回覆刪除
  7. 兩個都扮得好靚喎!遲啲湊埋我妹妹一齊化妝扮靚啦!佢哥哥剩係識車同車,肯定唔識同佢玩呢啲嘢!

    回覆刪除
  8. 女仔真係天生鍾意扮靚!

    回覆刪除
  9. 嘩~ 兩姊妹啲行頭好勁喎, 勁過台慶汪阿姐~ wakakaka

    回覆刪除
:D ;) :)) =)) :x :"> :P :-* :> =P~ B-) :-bd 8-> =D7 =(( :-O X( #:-S :(( :-/ [-X :-B :-SS ~X( :-? :-w :-q X_X :-??